एक -एक डाळी लगै जाली
=======================
डाळी पाळी जाली,
सैरा संगता हरयाळी आली।

डाळी काटी जाली,
सैरी धरती मां भूखमरै आली।

रोपला हम सब जु एक डाळी
हमरी धरती हरीं भरीं राली।

एक -एक डाळी जु लगै जाली,
रौली घाटी ऊंची निसि डांडी
सदनी कू तै रौंत्याळी ह्वे जाली।

काफळ हिंसर सभी फल फूलों कु रस,
जब तै डाळी बूटी राली तबैं त़ै छन बस।

बाँज की संजीवन जनी डाळी जब तै राली,
तबै तै पन्यारी भी अपडी़ भांडी मा मीठु पाणी ल्याली।
==================================
डाळी लगावा बौण बचावा
पर्यावरण तबै ज्योंदु रालु।
==============================

।। स्वरचित ।।
कुलदीप कौशल