పీవీ సింధు సెమీఫైనల్ కి వెళ్లిన పోస్ట్ చేస్తారు కానీ ఇండియా కి గోల్డ్ మేడల్స్ తెచ్చిన హిమదాస్ ని ఎవరు పాటించుకోరు షేమ్ ఇండియా లోకమంతా విజ్ఞానంతో పరుగెడుతుంటే
ఈ దేశం వేలయేండ్లుగా కులంతో పరిగెడ్తుందనీ
నీకు తెలుసా హిమదాస్.!?
అన్నట్టు ఇంతకు నీదేకులమమ్మీ.!?
చిరుతలను వెనక్కి నెట్టి పరుగెడుతున్నవ్.!?

నీదేశంలో రాకెట్ దూసుకపోవాలన్న
తంత్రం-మంత్రం-అంత్రం గట్టిగా వుండాలనీ
నీకు తెల్వదా!? రాకెట్లా దూసుకపోతున్నవ్
అన్నట్లు నీది వెలివాడనా ఏంది!?

మడి ఉంటేనే గుడి-బడి సాఫీగా సాగేటి
ఈ కర్మభూమిలో సునామీలా దూసుకొస్తూ
పసిడిపంటలనే నాటేస్తున్నవ్
ఇంతకీ నీ కుల-గొత్రాలు అంటరానివా..!?

గోమూత్రమే అమృతవర్షంలా కీర్తించబడి
సాటిమనిషినీ కండకండాలుగా నరికేటి
కావరమెక్కిన నీ దేశంలో
ఖండాంతరాల కీర్తీని చాటుకుంటున్నవ్
కొంపదీసీ నీపుట్టు-పూర్వోత్తరాలు ఊరవతలనా.!?

అవును నీఘణకీర్తినీ ఇంతలా దాచిపెడుతున్న
ఈదేశంలో నీకులమేందో నాకు తెలిసింది హిమదాస్
కులం అడుగులను వెతుకుతూ పరిగెడ్తున్న ఈదేశంలో
నువ్వు మనువాధాన్ని తొక్కుతూ పరుగెడుతున్న
జైభీమ్ సంతతివనీ జయహో హిమదాస్

ఇంకా-ఇంకా పరుగెత్తు
ఈదేశ కులపు యేర్లన్నీ తెగేవరకు
తడిమడినీ నీచెమటతో ఎండగొడ్తూ
దుమ్మురేపుతూ పరుగెత్తూ ముమ్మాటికీ
ఈదేశం నీదే..మనదే
జయహో జయహో జంభూ యువరాణి