పరమ గురువు జోగినాథుడు
నీతి సారము పలుకనొచ్చె
వినుకోండి వినుకోండి జనులార

లోని స్వార్థం మక్కువయితే
పెద్దల మాటలన్నీ పెడచెవిన పెట్టేవురా
స్వజన పక్షపాతం పెరిగిపోతే
ప్రియ హితవులన్నీ వ్యర్థమయ్యేనురా

ఆశ అత్యాశగా మారిపోతే లోభమొచ్చి
పైకి పలికే మాటలన్నీ వట్టిపోయేనురా
మంచి చెడులు అన్నీ మర్చిపోయేవురా
బంధుమిత్రులు కూడ దూరమయ్యేనురా

సృష్టిలో నీవు గొప్పని నీ తెలివి గొప్పని
శక్తియుక్తులన్ని నీ సొంతమని
తలబోయు నరుడా మూర్ఖమది తెలియురా
గర్వబలం తగ్గకుంటే కీర్తి అపకీర్తిగా రూపు మారేనురా

దండములు దండములు జోగినాథా
పదివేల దండములు జోగినాథా