నీవెంత
చతురుడివి శివయ్యా

కొంతమంది
జీవితాలలో పెను
మార్పులు దశాబ్దాలకి తీసుకొస్తావు

ఇంకొంత మంది
జీవితాలలో గొప్ప
మార్పులను సంవత్సరాలకి కలిగిస్తావు

మరి కొద్ది మంది
జీవితాలలో ఊహించని
మార్పులు నెలలలో చూపిస్తావు

అతి కొద్ది మంది
జీవితాలలో మార్పులను
రోజుకోసారి చూపిస్తావు

అంతే రోజూ మారే
పరిస్థితులలో కూడా
నిన్ను
శక్తితో స్మరించారా
భక్తితో ధ్యానించారా
ఆర్తితో పిలిచారా
అనేగా నీవు చూసేది

నీకు తెలియనిదా శివయ్యా
నువ్వు గంటకి నిముషానికి
జీవితంలో మార్పులు తెచ్చినా
నీ పాదములు విడువనని
నీ ధ్యానము మరువనని
నీ స్మరణ వదలనని

తీసే ఊపిరిలో నీవు
నిలచినపుడు
నిన్ను మరచి
నేను ఎలా జీవించగలను

పరమేశ్వరా శరణు..శరణు...