అతని మూతిపై పెరిగిన మీసం
అతని మదిలో ఎగిసిన రోషం
వెనుకా ముందూ ఆలోచన లేదు
ఉరి శిక్షంటే అతనికి లెక్క లేదు

అతని కాళ్ళు భారత గడ్డ పైన
అతని చేతులు తన గన్ పైన
భారతీయుల వెలుగు కిరణం
వలసవాదులకు అదో భయం

అతని తనువు దేశం కోసం
తన తను వొక మరిగే రక్తం
అతని మనసు జాతి కోసం
అతనొక రగిలే హృదయం

అతను జాతి పౌరుష రూపం
అతను ఆవేశపు ప్రతి రూపం
తెల్ల వాళ్ళకు సింహ స్వప్నం
భారతీయుల ఆరాధ్య దైవం

అతడే చంద్ర శేఖర ఆజాద్
భారతీయులారా ఆ రూపం
మెదలాలి మదిలో కలకాలం
తీర్చుకోలేము వీరుని ఋణం.